કળયુગી શિવગીતા પ્રથમોધ્યાયઃ

નરેન્દ્ર વિષાદ આશંકા યોગઃ

મોદી-શાહયોઃ સંવાદઃ

સી.એ.એ. , એન.આર.સી., અને એન.આર.પી. ના સમર્થકો અને વિરોધીઓ ના વિવાદો અને વિતંડાવાદના વમળમાં જ્યારે કેટલાક ધૂરંધરો પણ ગોથાં ખાઈ રહ્યા છે, ત્યારે આપણા વડાપ્રધાન  નરેન્દ્રભાઈ  મોદી પણ ક્ષણભર આવાક થઈ ગયા. સી.એ.એ. , એન.આર.સી., અને એન.આર.પી. ના વિરોધીઓની દલીલોથી તો નરેન્દ્ર ભાઈને કોઈ મૂંઝવણ ન થઈ, પણ  બુરખાધારી બહેનોના લગાતાર ચાલતા ધરણાથી અને સર્વોચ્ચ ન્યાયાલયના આશ્ચર્યકારક વલણથી એટલે કે વચગાળાનો આદેશ આપવામાં ઠાગાઠૈયા કરતા હોય, તો નરેન્દ્ર ભાઈ મોદીને થયું કે સર્વોચ્ચ ન્યાયાલયના ન્યાયધીશ પણ જો આ કેસમાં ખાસ કરીને શાહીનબાગના સી.એ.એ. , એન.આર.સી., અને એન.આર.પી. ના વિરોધીઓ પ્રદર્શન કેસમાં  અસમંજસમાં હોય   તો શું એવું તો ન બને કે મારા નિર્ણયમાં જ ક્યાંક દાળમાં  આખું નહીં તો અડધું કે પા, કોળું ગયું હોય!!

અમિત શાહ પ્રવેશ કરે છે.

અમિત શાહ  ઉવાચઃ

આવું કે સાહેબ?

નરેન્દ્રભાઈ ઉવાચઃ

આવો આવો અમિતભાઈ … તમારે વળી “આવું?” એમ પૂછવાનું હોય?

અમિત શાહ ઉવાચઃ

બોલો સાહેબ મારું શું કામ પડ્યું?

નરેન્દ્ર ભાઈ ઉવાચઃ

અરે અમિતભાઈ, તમને એવું લાગતું નથી કે આપણાથી સી.એ.એ. ના વિરોધના અનુસંધાનમાં થઈ રહેલા આ શાહીનબાગવાળા કેસને ડીલ કરવામાં કંઈ કાચું કપાયું હોય, અથવા તો દાળમાં આખું નહી તો અર્ધું કે પા કોળું ગયું હોય?

અમિત શાહ ઉવાચઃ

ના સાહેબ ના. એવું કશું નથી. આ બધો વિરોધ કંઈ સૈધ્ધાંતિક વિરોધ નથી. સાહેબ, તમે કોંગીઓને તો મારાથી પણ વધુ ઓળખો છો. તેઓને ગરજ હોય તો ગધેડાને તો શું ડુક્કરને પણ પોતાનો બાપ બનાવે એવા છે. વળી સાહેબ, તમે જાણો જ છો કે આ બધું કંઈ મફત થતું નથી. પૈસાની જે હેરફેર થાય છે અને કોના પૈસા ક્યાંથી આવ્યા, એ બધાની તપાસ તો ચાલુ જ છે.

નરેન્દ્ર ભાઈ ઉવાચઃ

પણ અમિત ભાઈ, આ બધી બહેનો અને તે પણ અનેક મહિનાઓથી ધરણાં ઉપર બેઠી છે. તો તેમનામાં આટલું સક્રિયપણું કેવીરીતે આવ્યું? મને લાગે છે કે આપણી કદાચ ભૂલ ન થતી હોય.

અમિત શાહ ઉવાચઃ

અરે સાહેબ. તમને ખબર નથી. આ બધી બહેનો કંઈ ઉપવાસ ઉપર બેઠી નથી. જો તમે મને છૂટ આપો તો હું આનાથી પણ બમણી બહેનો, અને તે પણ રોકડમાં પૈસા આપ્યા વગર ભેગી કરી શકું. અને “જમાનત વાળા જેલમાં જાઓ” એના સમર્થનમાં એટલે કે આ જમાનત ઉપર રહેલા કોંગી નેતાઓ જેલમાં જવાને બદલે “જમાનત ઉપર, જેલની બહાર રહે છે” તેમના વિરોધમાં બહેનોના ધરણા જરુર પડે તો વર્ષો સુધી કરાવી શકું.

નરેન્દ્ર ભાઈ ઉવાચઃ

એ વળી કેવી રીતે?

અમિત શાહ ઉવાચઃ

જુઓ સાહેબ,  મારી વાતમાં તો સિદ્ધાંત જ છે. ગાંધીજીનો પાયાનો સિદ્ધાંત હતો, કે કોઈ કોંગ્રેસીએ અથવા સાચા માણસે જમાનત માગવી જ ન જોઇએ. હવે આ કોંગીઓ જો પોતાને સાચા માનતા હોય તો તેમના ઉપર જે કૌભાન્ડોના આરોપો લાગેલા છે, તેના અનુસંધાનમાં તેઓએ ન્યાયાલયમાં જમાનતની માગણી જ શા માટે કરી? જો તેઓ પોતાને  મહાત્મા ગાંધીના અનુયાયી માનતા હોય અને મનાવતા હોય તો તેમણે જમાનતની માગણી જ ન કરવી જોઇએ. કારણ કે જમાનતની માગણી કરવી એ જ મહાત્મા ગાંધીના સિદ્ધાંતની વિરુદ્ધ છે.

નરેન્દ્ર ભાઈ ઉવાચઃ

અરે અમિતભાઈ, હું કોંગીઓની એ વાત કરતો નથી. એ તો નાનું તાજું જન્મેલું બચ્ચું પણ જાણે છે કે આ કોંગી પક્ષને કે તેના નેતાઓને, મહાત્મા ગાંધીના સિદ્ધાંત સાથે નાહવા નીચોવવાનો પણ સંબંધ નથી. હું તો આ શાહીનબાગમાં ધરણા ઉપર બેઠેલી બહેનો વિષે વાત કરતો હતો. તમે કહેલું ને, કે તમે તો રોકડા પૈસા આપ્યા વગર પણ આના થી ડબલ બહેનોને ધરણા ઉપર બેસાડી શકો. એ કેવી રીતે?

અમિત શાહ ઉવાચઃ

જુઓ, બહેનોને ચટપટું ખાવાનું બહુ જ ગમે. જેમ કે ભીની ભેળ, રગડો પેટીશ …. અને સૌથી વિશેષ તો પાણી પુરી. તમે જશોદા બેનની સલાહ લેવામાં માનતા નથી તે વાત હું સમજી શકું છું. પણ મારે તો તમારા જેવું બંધન નથી. એટલે હું આ બધું જાણી શક્યો છું.

નરેન્દ્ર ભાઈ ઉવાચઃ

પણ અમિત ભાઈ, જો બહેનોને દિવસમાં ચાર ચાર વખત આવું ચટપટું ખવડાવીએ તો તેઓ માંદી ન પડે? સંભવ છે કે અમુક બહેનો તો માંદી પડે જ પડે.

અમિત શાહ ઉવાચઃ

શું સાહેબ તમે પણ મજાક કરો છો. આપણે બહેનોને ચાર વખત ચટપટું ખવડાવવું એમ હું કહેતો નથી. પણ બહેનોના ચાર જત્થા રાખવાના. શિફ્ટ-ડ્યુટીમાં બહેનોને બોલાવવાની. અને તેમની ડ્યુટી પુરી થાય એટલે તેમને ઠીક ઠીક ખાવા દેવું. વચ્ચે વચ્ચે પણ ખાય તો વાંધોં નહીં. પણ ડ્યુટી પુરી થાય એટલે જ તેમનો ક્વોટા પુરો કરવા દેવાનો.

નરેન્દ્ર મોદી ઉવાચઃ

હું સમજ્યો નહી.

અમિત શાહ ઉવાચઃ

… જુઓ … આપણે ધારોકે  નક્કી કર્યું કે ૪૦ પાણી પુરી એક બહેનનો ક્વોટા છે. તો ૨૦ પાણી-પુરી તેમને વચ્ચે ખાવા દેવી. પણ છેલ્લી ૨૦ પાણી-પુરી તો તેમની ડ્યુટી પુરી થાય પછી જ આપવાની. એટલે કોઈ બહેનો અધવચ્ચે થી ભાગી નહીં જાય. એટલું જ નહીં પણ ડ્યુટી ઉપર પણ સમયસર હાજર થઈ જશે. અને સાહેબ તમે જાણી લો કે ચટપટી ખાટ્ટી ખાટ્ટી વાનગીઓ બહેનોને અવનવી સાડીઓ, અવનવા ડ્રેસ અને અવનવી ડીઝાઈનવાળી સેંડલો/ચંપલો  જેટલી જ પ્રિય હોય છે. એટલે તમને જેટલા બહેનોના જત્થાઓ જોઈતા હશે તેટલા જત્થા મળી રહેશે. એમાં કોઈ શંકાને સ્થાન નથી.

નરેન્દ્રભાઈ ઉવાચઃ

તો ભાઈઓને કેવીરીતે ભેગા કરવા?

અમિત શાહ ઉવાચઃ

જુઓ સાહેબ બહેનો ચટપટી વાનગીઓ અને ખાસ કરીને પાણી-પુરી ની શાનદાર દુકાન આગળ ખુશીની ચીચીયારી કરી મુકે છે. અને ભાઈઓ પણ અફલાતુન દારુની દુકાન જોઇને (જો પીવા મળવાનો હોય તો) ખુશીની  ચીચીયારી કરી મુકે છે. પણ ભાઈઓને એ રીતે ભેગા ન કરી શકાય. કારણકે કેટલાક ભાઈઓ પીવા ઉપર કટ્રોલ ન રાખે અને ભાઈઓને દારુ ચડે કે ન ચડે પણ તેઓ દારુ માટે અથવા દારુ ચડવાથી   તોફાન પણ કરી નાખે છે. આ પ્રમાણે ભાઈઓને ભેગા કરવા કરતાં બહેનોને ભેગી કરવી સહેલી છે. નજીવા પ્રમાણમાં શાણા ભાઈઓ ને પણ રાખવા. કારણ કે જો ભાઈઓ હોય તો થોડી ઓછી  દેખાવડી બહેનો હોય તો પણ ચાલ્યું જાય. કારણ કે ભાઈઓની હાજરીમાં તેમનું ઓછું દેખાવડાપણું ઢંકાઈ જશે. અને બધી બહેનો શોભી ઉઠશે. કારણ કે હવે ભાઈઓ દાઢી રાખતા થયા છે તેથી તેઓ ઠીક ઠીક કદરુપા લાગે છે.             

નરેન્દ્ર ભાઈ ઉવાચઃ

અમિતભાઈ એ બધું તો ઠીક છે. શાહીન બાગ જેવા પ્રદર્શનો કંઇ મફતમાં થતા નથી. કોંગીભાઈઓ અને તેમના સાંસ્કૃતિક સાથીઓ શાહીનબાગમાં બહેનોને રોજી પુરી પાડે છે.  હું એ પણ જાણું છું કે આપણા વિરોધીઓનો આ પ્રયોગ છે. આ પ્રયોગ ઠેક ઠેકાણે થશે તો બહેનોને વધુ રોજી મળશે તે પણ હું જાણું છું. પણ અમિતભાઈ, અત્યારે કોરોનાનો વાવડ ચાલે છે. આ રીતે બહેનોને કોરોનાનો ચેપ લાગે અને રોગીઓનું પ્રમાણ વધે તેમ તમને લાગુતું નથી?

અમિત શાહ ઉવાચઃ

પણ સાહેબ, આ બધું થોડું લાબું ચાલવાનું છે?

નરેન્દ્રભાઈ ઉવાચઃ

જો કે આપણા નિર્ણયો તો સાચા જ છે. પાછા ફરવાનો સવાલ જ નથી. આપણા વિરોધીઓ તેમના સ્વાર્થ માટે કોઈ પણ હદ સુધી જઈ શકે છે તે પણ આપણે જાણીએ છીએ. એટલે આપણે તેમની અને દેશમાં અશાંતિ અને અરાજકતા ઉભી કરનારા તત્ત્વોની શક્તિ ઉપર અને આપણે તેમની ઉપર જે નીતિ અપનાવી રહ્યા છે તેની ઉપર જરા નજર નાખી લેવી જોઇએ એમ તમને લાગતું નથી?

અમિત શાહ ઉવાચઃ

એતો સાહેબ, … પડશે એવા દેવાશે.

નરેન્દ્ર ભાઈ ઉવાચઃ

મને લાગે છે કે મારે ધ્યાન ધરવું જોઈએ !!

અમિત શાહ ઉવાચઃ

હાજી સાહેબ. તમે ધ્યાન યોગમાં જાઓ. તેથી તમને નવી ઉર્જા મળશે …

નરેન્દ્રભાઈ પદ્માસન વાળી ધ્યાનસ્થ થયા … ૐ નમઃ શિવાય … ૐ નમઃ શિવાય … ૐ નમઃ શિવાય …

ઈતિશ્રી ત્રીનેત્રબ્લોગક્ષેત્રે પ્રથમોધ્યાયઃ સમાપ્તઃ

કળયુગી શિવગીતા દ્વિતીયોધ્યાયઃ

મોદી-મહેશ્વરયોઃ સંવાદઃ

(ક્રમશઃ)

શિરીષ મોહનલાલ દવે

Read Full Post »

આગ સાથે કોણ રમી રહ્યું છે? ભાગ – ૩

જેને સુજ્ઞ લેખકો માનવામાં આવે છે તેવા લેખકો જ્યારે આવા અસત્યને સત્ય માની લે ત્યારે આપણને દુઃખ નહીં આઘાત પણ લાગે છે.

કેટલાક સુજ્ઞ જનોના જુઠાણાની સૂચિ આપણે જોઇએઃ

(૧) ગાંધીજીને મુસ્લિમો પ્રત્યે પક્ષપાત હતો અને તેઓ મુસ્લિમોને પડખે રહેતા હતા, (જીન્ના અને તેના પક્ષના લોકો આનાથી ઉંધું જ માનતા હતા પણ આરએસએસના કેટલાક લોકો અને ગાંધી-ફોબિયા પીડિત લોકો આવું માને છે)

(૨) ગાંધીજીએ દેશના ભાગલા પડાવ્યા, ગાંધીજી દેશના ભાગલાને અટકાવી શક્યા હોત. (આરએસએસના કેટલાક લોકો અને ગાંધી-ફોબિયા પીડિત લોકો આમ માનવું વધુ પસંદ કરે છે. જો કે તેઓ ભૂલી જાય છે કે મોટા ભાગના નેતાઓ ભાગલા પસંદ કરતા હતા)

(૩) ૫૫ કરોડ રુપીયા પાકિસ્તાનને આપવા માટે ગાંધીજી આમરણાંત ઉપવાસ ઉપર ઉતર્યા હતા, (જો કે આ વાત તો ગોડસેએ પોતાના બચાવમાં ઉપજાવી કાઢેલી. ગાંધીજીએ ઉપવાસ ઉપર ઉતરતાં પહેલાં, સરકારને આપેલી નોટીસમાં આવું કશું લખ્યું નથી. તો પણ આરએસએસના અને ગાંધી-ફોબિયા પીડિત લોકો માને છે)

(૪) ગાંધીજીએ નહેરુને બધા નેતાઓની ઉપરવટ જઈ (યાવત ચંદ્ર દિવાકરૌ માટે, કે, નહેરુ જીવે ત્યાં સુધી, અથવા તો જે પહેલું બને ત્યાં સુધીના સમય માટે) વડાપ્રધાન બનાવેલા. (પોતાની નિસ્ફળતા છૂપાવવા કેટલાક, આરએસએસના ગાંધી-ફોબિયા પીડિત લોકો આવું માને છે. ૧૯૫૨ની ચૂંટણીમાં કોંગ્રેસને હરાવતાં  તેમને કોણે  રોકેલા? જો કે એ સમજવી જોઇએ કે ભારત એ એક લોકશાહી વાળો દેશ છે. લોકશાહીમાં તો વડાપ્રધાન જ નહીં, સરકારો પણ આવે છે અને જાય છે)

(૫) હાલની કોંગ્રેસ સાચી કોંગ્રેસ છે, અને તેની પાસે બધી ધરોહર છે. આ એક ન્યાયાલયે ઠરાવેલું કાયદેસરનું જૂઠ છે. કદાચ નહેરુ કોંગ્રેસ પ્રમુખ હતા એટલે આ માન્યતા મૂર્ધન્યોને ગ્રાહ્ય બનતી હશે.

(૬) ઇન્દિરા ગાંધીએ કટોકટી ઉઠાવી લીધી અને પછી ચૂંટણી જાહેર કરી હતી. (મૂર્ધન્યોનું અજ્ઞાન છે.)

(૭) રાજિવ ગાંધી અને સામ પિત્રોડા દેશમાં ટેલીફોનની ક્રાંતિ લાવ્યા હતા. (મૂર્ધન્યોનું અજ્ઞાન છે)

આવી તો અનેક વાતો અનેક ક્ષેત્રોમાં પ્રવર્તે છે. અને રાજકારણમાં તો અનેક જુઠાણા ચાલ્યા જ કરે છે.

આ જૂઠાણાંની વિરુદ્ધ માં સાહિત્ય હોવા છતા કેટલાક લોકો કાં તો પોતાની અજ્ઞાનતાથી અથવા તો પોતાની આત્મતૂષ્ટિ માટે વધુ વાંચતા નથી

તો હવે મૂળ વાત ઉપર આવીએ કે શું લેખકો આ વાત સમજતા નથી કે પ્રમાણભાનને અવગણી ને જો આપણે બંને બાજુ ઢોલકી વગાડીશું તો દેશને બહુ મોટું નુકશાન થશે?

વિપક્ષ એટલે કે નહેરુવીયન કોંગ્રેસ, કે જે હવે તેના કોમવાદી, જાતિવાદી, પ્રદેશવાદી,  સામ્યવાદી, નક્ષલવાદી, માઓવાદી, આતંકવાદી, સીમાપારના આતંકવાદી તત્ત્વો, અસામાજિક તત્ત્વો સાથેના ગઠબંધનથી ખૂલ્લો પડ્યો છે, તેની તરફમાં ઢોલકી વગાડીશું તો દેશની ભાવી પેઢી આપણને ક્યારેય માફ નહીં કરે.

સબળ વિરોધ પક્ષ હોવો જરુરી છે

કેટલાક લોકો કહે છે કે લોકશાહીમાં સબળ વિપક્ષ હોવો જરુરી છે.

તમે જુઓ. જે વિપક્ષ નહેરુ અને ઈન્દિરા ગાંધીના સમયમાં હતો તે કેટલો બધો વિદ્વાન, અભ્યાસી, નીતિમાન અને ત્યાગી હતો. હાલના એક પણ વિપક્ષમાં એક પણ સદ્‌ગુણ દેખાય છે?

જ્યારે ડૉ. લોહિયાને પચાસના દશકામાં સવાલ પૂછવામાં આવે લો કે મુંબઈ, મહારાષ્ટ્રમાં જવું જોઇએ કે નહીં. ત્યારે તેમણે જવાબ આપ્યો હતો કે અમે એવી ક્ષુલ્લક વાતોમાં પડતા નથી. જ્યારે હાલનો વિપક્ષ તો કોમવાદનો અને જાતિવાદનો ખુલ્લે આમ પ્રચાર કરે છે.

તમે જુઓ. શિવસેનાએ કોંગીની પ્રતિભા પાટીલની એટલા માટે તરફદારી કરી હતી કે તે મરાઠી હતી. તેવી જ રીતે કોંગીના પ્રણવ મુખરજીની મમતાએ એટલા માટે તરફદારી કરી હતી કે તે બંગાળી છે. આમ તો પ્રણવ મુખર્જી પોતે ઇન્દિરાના કટોકટી ના સહયોગી હતા. 

“નરેન્દ્ર મોદી જે કોંગ્રેસમુક્ત ભારતની વાત કરે છે તે યોગ્ય નથી” મૂર્ધન્યો આમ કહે છે.

વળી તેઓ તેના સમર્થનમાં જણાવે છે કે;

“કોંગ્રેસ તો ભાંગ્યુ ભાંગ્યુ તો પણ ભરુચ છે. તે ૧૩૩ વર્ષ જુનો પક્ષ છે.

“આ પક્ષે અનેક ભોગ અને બલિદાન આપ્યા છે.

“આ પક્ષે સામાજીક આંદોલનો કર્યા છે,

“આ પક્ષે સ્વતંત્રતા માટે આગેવાની લીધી હતી અને જનતાને લોકશાહી માટે સુશિક્ષિત કરી છે

“આ પક્ષે સ્વતંત્રતા અપાવી છે,,

“આ પક્ષે લોકશાહીને હજી સુધી જીવતી રાખી છે,

“માટે આ પક્ષ મરવો ન જોઇએ.

શું આ બધી વાતો સાચી છે?

હાલની કોંગ્રેસને જીવતી રાખવાનો આ પ્રશ્ન ત્યારે જ અસ્તિત્ત્વ ધરાવે જ્યારે તમે હાલની નહેરુવીયન કોંગ્રેસને, “મૂળ કોંગ્રેસ” માનો. જે કોંગ્રેસે સ્વાતંત્ર્ય ની લડત ચલાવેલી અને પોતાનો સિંહફાળો આપેલ તે કોંગ્રેસ આ જ છે.

હા એક વાત ચોક્કસ કે કોંગ્રેસ નામનો એક પક્ષ હતો. તેણે સામાજિક અને રાજકીય આંદોલનો કર્યા હતા. તેણે ભારતને એક રાખવા માટે અને ભારતને સ્વતંત્રતા અપાવવા માટે સિંહફાળો આપ્યો હતો. તેના અનેક નેતાઓએ ત્યાગ અને બલિદાન આપ્યા હતા.

પણ હાલની કોંગ્રેસ પાસે શું છે?

હાલની કોંગ્રેસ પાસે એક “શબ્દ” માત્ર છે… “કોંગ્રેસ”.

ફક્ત “કોંગ્રેસ” શબ્દ હોવાથી તેને મૂળ કોંગ્રેસ કહી શકાય ખરી?

મહાત્મા ગાંધીની કોંગ્રેસની એક ઓળખ “સાદગી” હતી.

જો આ ગુણ જોઇએ તો તે તૄણમૂલ કોંગ્રેસ પાસે છે. તો શું તેને “મૂળ કોંગ્રેસ” કહી શકાશે?

કોંગ્રેસો તો ઘણી જન્મી અને મરી.

બાબુ જગજીવન રામે એક કોંગ્રેસ બનાવેલી તેનું નામ હતું, કોંગ્રેસ રીયલ.

યશવંત રાવ ચવાણે કોંગ્રેસ (યુ) બનાવેલી,

શરદ પવારે કોંગ્રેસ (રાષ્ટ્રવાદી) બનાવેલી છે,

એ.કે એન્ટોનીએ કોંગ્રેસ (એ) બનાવેલી,

રાજગોપાલાચારીએ કોંગ્રેસ (ડેમોક્રેટીક) બનાવેલી,

કે એમ જોર્જ એ કોંગ્રેસ (કેરાલા) બનાવેલી છે,

હરેકૃષ્ણ મહેતાબે કોંગ્રેસ (ઉત્કલ જનતા), બનાવેલી,

અજય મુખર્જીએ કોંગ્રેસ (બંગાળ) બનાવેલી,

બીજુ પટનાયકે કોંગ્રેસ (ઉત્કલ) બનાવેલી,

દેવરાજ ઉર્સ એ કોંગ્રેસ (ઉર્સ) બનાવેલી,

કેટલીક કોંગ્રેસના સ્થાપકો તો નહેરુથી પણ વરિષ્ઠ હતા. તેમણે પણ સ્વાતંત્ર્ય સંગ્રામમાં ઘણું યોગદાન આપેલું હતું.

આવી તો અગણિત કોંગ્રેસો ભારતમાં બની છે. જેમ ઘણા ભગવાનો થઈ ગયા અને ઘણા ભગવાનો હાલ પણ વિદ્યમાન છે.

કોંગ્રેસનું બનવું અને બગડવું એક શાશ્વત ચાલતી પ્રક્રિયા છે. જેમ ભગવાન રજનીશ અને પછી ઓશો રજનીશ. સૌ પ્રથમ વળી તેઓશ્રી હતા આચાર્ય રજનીશ. ન તો તેમણે કોઈભાષ્ય લખેલું, કે ન તો તેઓશ્રી કોઈ શાળા/મહાશાળાના પ્રિન્સીપાલ હતા. તો પણ દે ધના ધન તેમણે આચાર્ય પૂર્વગ લગાડી દીધેલો.  

“પક્ષ” વાસ્તવમાં છે શું?

પક્ષ તો સિદ્ધાંત છે અને તેને અમલમાં મુકવાની પક્ષની રીતિ છે. સિદ્ધાંત અને રીતિ પક્ષની ઓળખ હોય છે.

“મૂળ કોંગ્રેસ”નો સિદ્ધાંત હતો અહિંસક માર્ગે દેશને વિદેશી શાસનથી મૂક્ત કરવો.

ગાંધીજીએ તેમાં ઉમેર્યો કર્યો કે અહિંસક ઉપરાંત તેમાં આમ જનતાને પણ દાખલ કરવી, અને જનજાગૃતિ દ્વારા લડત ચલાવવી.

જનજાગૃતિ એટલે શિક્ષિત સમાજ. શિક્ષિત સમાજ એટલે સમસ્યાઓને સમજી શકે તેવો સમાજ. સામાજિક સમસ્યાઓમાં રાજકીય સમસ્યાઓ નીહિત છે. એટલે ગાંધીજીએ  જનતાને સામાજિક સમસ્યાઓ પ્રત્યે પણ જાગૃત કરી.

લોકશાહી અને અહિંસા જોડાયેલા છે. વ્યસનમૂક્તિ અને અહિંસા પણ જોડાયેલા છે. બેરોજગારી અને હિંસા જોડાયેલા છે. ઉત્પાદન અને હિંસા જોડાયેલા છે. ઉત્પાદનની ક્રિયા,  રોજગારી અને બેરોજગારી સાથે જોડાયેલી છે. ગાંધીજીએ આ વિષે ઘણું લખ્યું છે.

ગાંધીજીએ વ્યસનમૂક્તિ અને ગૌવધબંધી ઉપર સૌથી વધુ ભાર મુકેલો. સંપૂર્ણ વ્યસનમૂક્તિ અને સંપૂર્ણ ગૌવધ બંધી  તરફ જવાનું તેમનું સૂચન હતું. આ વિષે તેમનું વલણ એટલું તીવ્ર હતું,  કે તેઓ જો સરમૂખત્યાર બને તો આ કામ સૌ પ્રથમ કરે.

ગાંધીજીની અહિંસા અને ગૌવધ પ્રત્યેની તીવ્ર માન્યતાને લીધે, અહિંસક સમાજની રચના તરફ જવાનો ભારતના બંધારણમાં આદેશ છે. આદેશાત્મક સિંદ્ધાંતથી વિરુદ્ધ જવાનું તો કોંગ્રેસ વિચારી જ ન શકે. જો કોંગ્રેસ આથી વિરુદ્ધ વર્તન કરે તો તે કોંગ્રેસ કહેવાય જ નહીં.

દારુબંધી લાગુ કરવા પ્રત્યે અસરકાર પગલાં લેવાં તેમજ, ગૌવધબંધી તરફ અર્થપૂર્ણ પગલાં લેવાં એ કોંગ્રેસની ઓળખ હતી. આ ઉપરાંત, ખાદીનો વિસ્તાર કરવો અને નિરક્ષરતા નિવારણ પણ   કોંગ્રેસના અંગ હતા.

હવે તમે જુઓ;

કોંગ્રેસ જ, દારુબંધીને હળવી કરવામાં સર્વ  પ્રથમ નંબર પર હતી. મહારાષ્ટ્રના કોંગ્રેસી  મુખ્ય મંત્રીએ સાઠના દશકામાં સૌ પ્રથમ દારુબંધી હળવી કરી હતી. કોંગ્રેસીઓ કમસે કમ ૧૯૬૮થી જ્યાં દારુબંધી નથી ત્યાં જાહેરમાં દારુપાર્ટી કરતા થઈ ગયા છે.

નહેરુ એવી ચિકન પસંદ કરતા હતા, એટલે કે ખાતા હતા કે જે મરઘી ફક્ત બદામ ખાઈને ઉછેરાઈ હોય અને પાણીને બદલે દારુ (બ્રાન્ડી) પીતી હોય. આ પછી તે  જે ઈન્ડા આપે અને તેમાંથી જે બચ્ચાંની ચિકન બને તે સ્વાદમાં તેમને બેનમૂન લાગતી હતી.

કોંગ્રેસે ગૌવધ બંધી તરફ કોઈ જાતના શિક્ષણાત્મક પગલાં લીધાં નથી. દુનિયાનો સૌથી લાંબો સત્યાગ્રહ, સર્વોદય કાર્યકરોએ મુંબઈના દેવનારના કતલ ખાના સામે કરેલો. તે ગીનીસ બુકમાં વિશ્વમાં લાંબામાં લાંબા ચાલેલા સત્યાગ્રહ તરીકે નોંધાયેલો છે. તેમાં નહેરુવીયન કોંગ્રેસની સરકારે  જે સમજુતીઓ થઈ હતી તેનો તેમણે જ સરેઆમ ભંગ કરેલો છે. સર્વોદય કાર્યકરો જ આ વાત કરે છે.

ખાદી કરડે છે?

કોંગ્રેસના સભ્યો ખાદી પહેરવામાં જ માનતા નથી, તો પછી કાંતવાની તો વાત જ ક્યાં રહી? ૧૯૬૯ પછી ઇન્દિરા ગાંધી દ્વારા  કોંગ્રેસનું જે વિભાજન થયું તેમાં કોંગ્રેસ (આઈ) માટે કશા જ બંધન રહ્યા નથી.

ટૂંકમાં, સૈદ્ધાંતિક રીતે આજ ની નહેરુવીયન કોંગ્રેસ પાસે મૂળ કોંગ્રેસના એકપણ સિદ્ધાંત કે ગુણધર્મ છે જ નહીં. તો તેને મૂળ કોંગ્રેસની ધરોહર કેવી રીતે માની શકાય?

હવે જો પક્ષો, સિદ્ધાંત થકી ન ઓળખાતા હોય તો તે “પક્ષ” જ ન  કહેવાય. તેને “ધણ” કે “ટોળું” કહેવાય. જો ન્યાયાલય આમ ન માનતું હોય તો તે ન્યાયાલય જ ન કહેવાય.

ચાલો હવે જોઇએ ન્યાયાલયે શું કર્યું?

૧૯૬૯માં ન્યાયાલયમાં કેસ દાખલ થયેલ. ન્યાયાલયે તેની ઉપર ૧૯૭૧માં ઉપસ્થિત થયેલી પરિસ્થિતિના આધારે ન્યાય આપ્યો અને કહ્યું કે સાચી કોંગ્રેસ ઇન્દિરા ગાંધીની કોંગ્રેસ છે. પણ પક્ષની સંપત્તિ ઉપર કશો ન્યાય ન આપ્યો. જેનો તેનો કબજો હતો તેની પાસે રહી.

૧૯૭૧માં ઉપસ્થિત થયેલી પરિસ્થિતિ શું હતી? એ જ કે ઇન્દિરા ગાંધીને લોકસભામાં બહુમતિ મળી હતી. અને લોકશાહીમાં જનતા સર્વોપરી છે એટલે જનતાએ આપેલી બહુમતિને જનતાનો ન્યાય સમજવો.

સર્વોચ્ચ ન્યાયાલયનું આવું અર્થઘટન હાસ્યાસ્પદ છે એટલું જ નહીં પણ તે ઘણા વિરોધાભાષો ઉત્પન્ન કરે છે.

(૧) શું જનતા પાસે એવો મુદ્દો લઈ જવામાં આવેલો કે તે નક્કી કરે કે મૂળ કોંગ્રેસ કઈ છે? જો જનતા પાસે આવો મુદ્દો હોય જ નહીં તો પછી તે જનતાનો ન્યાય ગણાય? ચૂટણીમાં તો બીજા પક્ષો પણ હતા. તેમને તો આવા કોઈ મુદ્દા સાથે સંબંધ ન હતો.

(૨) ૧૯૬૯માં કેસ દાખલ થયો હોય તો તે વખતની પક્ષની આંતરિક પરિસ્થિતિ જોવાને બદલે ૧૯૭૧માં ઉત્પન્ન થયેલી સ્થિતિને આધાર માનવી તે ઉચિત છે?

(૩) ધારો કે ૧૯૭૧ પછીની આવતી ચૂંટણીઓમાં જનતાના ચૂકાદાઓ બદલાતા રહે, તો આવા ન્યાય, જે આધારે આપ્યા તે પણ, તે જ આધારે બદલાવા જોઇએ જ. તો આવા ન્યાય ઉચિત ગણાય?

(૪) જ્યારે ન્યાયાલય અસ્તિત્વમાં હોય ત્યારે વર્ષો પછી, ન્યાયાલયની બહાર ઉત્પન્ન થયેલી પરિસ્થિતિને આધારે, ન્યાય આપી શકાય? જેમણે ન્યાયશાસ્ત્રનો અભ્યાસ કર્યો નથી તેમજ જેમની સામે આવો મુદ્દો ધરવામાં આવ્યો નથી તેવા કિસ્સાઓમાં, તેવા સંજોગોમાં તેમણે જે બહુમતિથી ચૂકાદો આપ્યો હોય, તેને તે મુદ્દા ઉપરનો ચૂકાદો માની શકાય?

(૫) વળી એક જગ્યાની બહુમતિને બીજી જગ્યાએ કેવી રીતે લાગુ કરી શકાય?

(૬) બહુમતિથી ન્યાય કરવો ઉચિત છે?

(૭) બહુમતિથી સચ્ચાઈ સિદ્ધ થઈ શકે?

(૮) જો હા, તો પછી ન્યાયાલયની જરુર છે ખરી?

(૯) ન્યાય આપવામાં પક્ષના બંધારણની જોગવાઈઓને લક્ષમાં લેવામાં આવી છે?

આ બધા જ પ્રશ્નોના ઉત્તરો નકારમાં આવે છે. સર્વોચ્ચ ન્યાયાલયનો ચૂકાદો ભારતમાં વિચરતા બાવાઓ જેવો છે.

શું સર્ચોચ્ચ ન્યાયાલયના ન્યાયાધીશો નિર્મલ બાબા છે?

નિર્મલબાબા પાસે વ્યક્તિઓ પોતાની સમાસ્યાનું સમાધાન કેવી રીતે કરવું તે સમજવા જાય છે. નિર્મલબાબા જ્યારે તેમને એમ કહે કે પાડા ઉપર બેસીને રોજ સો ગ્રામ ગાંઠીયા ખાઓ તો સમસ્યા હલ થઈ જશે.

શું નિર્મલ બાબા અને સર્વોચ્ચ ન્યાયલયના ન્યાયધીશો પણ આવ ભાઈ હરખા, આપણે સૌ સરખા. એવું છે?

આજ બ્લોગ સાઈટ ઉપર લખાયેલા “https://wordpressDOTcom/post/treenetramDOTwordpressDOTcom/218

“ખૂની કોણ? આયારામ ગયારામ કહે છે કે અમે દશરથ પૂત્ર રામ છીએ.” લેખને, મુદ્દા (૯)ની વિશેષ જાણકારી માટે વાંચવો.

ગાંધીજીના ત્રણ વાંદરા અને નહેરુવીયન કોંગ્રેસના ત્રણ વાંદરા

ગાંધીજીના ત્રણ વાંદરા એમ કહેતા હતા કે; ”કોઈનું બુરું ન જુઓ, કોઈનું બુરું ન સાંભળો, કોઈનું બુરું ન બોલો.”

ગાંધીજી આ વાત કોને અનુલક્ષીને કહેતા હશે તે સંશોધનનો વિષય છે. ધારો કે આને વૈશ્વિક સત્ય માનીએ તો, અને ગાંધીજીને હાલની નહેરુવીયન કોંગ્રેસની ધરોહર માનીએ તો, આ જ કોંગ્રેસના નંબર વન, ગાંધીજીના વાંદરાનો આ ગુણધર્મ રાખે છે ખરા? નાજી.

નહેરુવીયન કોંગ્રેસના નેતા નંબર વન તો બીજેપીના દરેક પગલામાં બુરુ જુએ છે, બુરુ સાંભળે છે અને બુરું બોલે છે. શું વાંદરાઓનો આ મૂળભૂત ગુણધર્મ છે એટલે?

 શિરીષ મોહનલાલ દવે

Read Full Post »